اليوم اخواني اخواتي جايب اجمل القصايد اللي قريتها وسمعتها بس انشاء الله تنال اعجابكم اخليكم اللحين مع القصيده


يا عظيمه كل شي له حـــتدود وله نهايــه
لكن أنتي ما وقفتـي عند حدك يا عظيمه

أستلذيتي بطعناتـي وأخــــــذتيها هوايــه
كن مالك حربة توجـــع وطعنـــات أليمــــه

آه ليتك مـــا تماديتي بطـــــعنات البدايـه
لين صار لكل طعنه فالحشا معنى وقيمه

الله يبيحك ولكن كــــــيف في أغرب روايه
تكتبين الحب كذبــه والهــوى دقه قديمـه

وأنتي اللي كل ما لــــــدت عيونك فالمرايا
ما لمحتي الااليتيم الي اخذت قلبه يتيمه

واليتيمه فاليتامى مالها حـــــــق الوصايه
الوصيه عودها الغـض و نوايـاهـا السليمه

لكن أنتي صار لك حق الوصـــــــايه والولايه
واستبديتي وشدو البدو وأضحيتي مقيمه

مارحلتي لين حطــمتي بما فيه الكـــــــفايه
عاقل لحب الجنون وصوت نارك في هشيمه

استبجتي حرمة المـــــــجنون بادراك وعنايه
والتفتي له بعقلك وارتكــــزتي في صميمه

امتلكتي غايته لو كان مالـــــــه فيك غايـه
وانتصرتي في عيونه واعترف لك بالهزيمه

من كثر ما يعشقك ما قال لك بالحــــب رايه
خايف الأيام لا تطلع عـــــــواقبها وخيمـــه

في طريقك كل ماكنه لمــــس درب الهدايه
تاه ودروب الحياه المستقيمـــه مستقيمه

تايه بصري ومــن جابــه لبيـــــت الله تايــه
عذر من غمض بعين وعينه الأخرى كريمه

فدوتك ما فات من الأيام واللــي عاد جايه
يا بعد عمر مخاسيره معك عندي غنيمه

أنتي الفارع بقد وجد وأسمــــــــــاء وكنايــــه
من عشق مثلك يجوز من الهوىوشداد ريمه

ليه لا.. وانتي بحسنك في ذوات الحسن آيه
لا ذهب لاماس لا ياقوت لا أحجار كـــريمــــه

شاعر له مع أهل الرايات فالمرقاب رايــــــه
كل ما هبت هبوبك فلها قدر وحشيمــــــه

سامحك من ألف باء الذنب الى مال نهـايه
وأستباحك عن خطاه وكل طقه بتعليمــه

يوم قلتي أعطني حريتي أطــلق يدايـــــه
ما ذخر عن وجهك الا طعنتين في صميمه




هذي قصيده أهديها لكل أعضاء المنتدى اتمنى أنها تنال إعجابكم وهذي القصيده بقلم الشاعر ضيدان بن قضعان.

.
.
.
.
قــــــلــــــقـــــوووونـــــي